Një burrë pa pikë mëshire ka goditur me shkelm në kokë një grua, e cila po qëndronte e shtrirë në rrugë pa ndjenja.
Por, ky moment i tmerrshëm nuk i shpëtoi objektivit të kamerës së një pasagjeri që gjendej brenda një autobusi, i cili filmoi gruan pa ndjenja të shtrirë në rrugët e qytetit anglez Birmingham të cilën më pas e godet me shkelm në kokë një burrë, transmeton Telegrafi.
Pas këtij veprimi, afrohet një burrë tjetër i cili mundohet ta ngrit nga toka gruan pa ndjenja.
Raportohet se grindja kishte filluar brenda autobusit, por dyshja kishin dalë në rrugë për të qëruar hesapet.
Ndërkaq policia raportohet se ka arrestuar një 45-vjeçar, pasi fqinji i tij e identifikoi si sulmues dhe e raportoi rastin në polici. /Telegrafi.
