Një grua 81-vjeçare nga Bostoni, e cila drejton trenat për Autoritetin e Transportit të Gjirit të Massachusetts, u emërua operatorja më e vjetër e trenave në botë nga Guinness.
Helen Antenucci, e cila filloi të punojë në moshën 53 vjeçare në vitin 1995, ka drejtuar trenat Blue Line për gati tre dekada.
“Kam pasur pesë vajza”, tha ajo për Guinness, përcjell Telegrafi.
“Ishte një mënyrë për të më nxjerrë nga shtëpia dhe për të pasur pak paqe dhe qetësi”, shtoi Antenucci.
Ajo u emërua si operatorja më e vjetër e trenave në botë pasi një kolege e saj aplikoi në Guinness në emër të saj.
“Unë ngrihem çdo ditë dhe bëj atë që dua të bëj. Jo shumë njerëz mund ta thonë këtë në moshën time. Do të doja të falënderoja të gjithë bashkëpunëtorët, familjen, miqtë dhe pasagjerët për mbështetjen e tyre për ta bërë çdo ditë një udhëtim të mrekullueshëm”, tha ajo.
Antenucci, e cila po i afrohet ditëlindjes së saj të 82-të, tha se nuk ka në plan të tërhiqet. /Telegrafi/