Gruaja ruse, e cila u bë simbol i mënyrës së rëndë që autoritetet goditën protestuesit anti-Kremlin në fundjavë pasi u godit me këmbë në dysheme nga një polic që mbante shkopin, thotë se dëshiron drejtësi.
Margarita Yudina, 54, ishte ndër dhjetëra mijëra njerëz në të gjithë Rusinë që protestuan kundër burgosjes së kritikut të Kremlinit, Alexei Navalny. Policia kishte thënë që protestat ishin të paligjshme dhe arrestuan gati 4,000 njerëz, sipas grupit të protestës OVD-Info.
Në video, Yudina shihet duke rënë përsëri në trotuar pasi u shkelmua, duke e goditur kokën fort. Dokumentet e spitalit tregojnë se ajo pësoi tronditje të trurit dhe i duheshin qepje në pjesën e pasme të kokës, raporton reuters.
“Kjo çështje duhet të vazhdojë rrjedhën e saj ligjore”, tha ajo duke shtuar se “Kështu që unë kam ndërmend të apeloj në Komitetin Hetimor dhe të zbuloj se kush më sulmoi. Unë dua që personi që më shqelmoi të gjendej, të quhej dhe të dënohej sipas ligjit”.
Mbështetësit e Navalny planifikojnë të mblidhen përsëri këtë fundjavë për të kërkuar lirimin e tij pasi ai u vendos në paraburgim për shkeljet me kusht që ai mohon. /Telegrafi/