Një grua ka përdorur kohën në bllokim me mençuri duke transformuar hapësirën e kopshtit në shtëpinë e saj.
Sipas mediave të huaja, përcjell Telegrafi, Amy Mycock, 29-vjeçe një nënë e dy fëmijëve nga Anglia, e shndërroi hapësirën e saj jashtë, duke blerë gjëra me çmim të volitshëm dhe e gjitha i kushtoi vetëm 429 funta në total.
Ajo u shpreh se puna e saj në kopsht ka qenë gjithçka që i nevojitej për të hequr stresin nga puna, dhe ndikimi i pandemisë nga coronavirusi.
“Më ka mbajtur zënë pasi dy vajzat e mia kanë jetuar me nënën dhe babanë tim për më shumë se një muaj, pasi unë jam punëtore në një shtëpi të kujdesit”, thotë Amy.
“Kemi pasur pacientë me virus atje, kështu që për sigurinë e tyre ata po qëndrojnë atje për momentin. Kështu që unë gjithmonë përpiqem të gjej gjëra për të bërë për ta mbajtur mendjen time të relaksuar”, ka shtuar ajo./Telegrafi/
