Pamjet dramatike u regjistruan në qytetin kalofornian, Fontana, pasi një grua u raportua se kishte rënë në një vrimë.
Mbetet e paqartë se si ka ndodhur kjo ndërsa thuhet se gropa “thjesht është shfaqur”.
Zjarrfikësit u thirrën nga familjarët e alarmuar pasi dëgjuan vajtime që vinin nga humnera e errët.
Ekipet e shpëtimit arritën në vendngjarje ndërsa gruaja ishte e vetëdijshme dhe kërkonte që të nxirrej në sipërfaqe.
Mediat lokale transmetuan drejtpërdrejt operacionin e shpëtimit, si dhe momentin kur njëri prej zjarrfikësve u ul në një gropë 7.5 metra të thellë.
Ai arriti të siguronte gruan, e cila u tërhoq në vend të sigurt duke përdorur litarë. Ajo u transportua menjëherë në spital, ku u konstatuan dëmtime në këmbë. /Telegrafi/
