Ministri francez i Tranzicionit Dixhital dhe Telekomunikacionit, Jean-Noel Barrot, i ka bërë thirrje Komisionit Evropian të rishqyrtojë emërimin e amerikanes Fiona Scott Morton në një post kyç që lidhet me “rregullimin e gjigantëve të teknologjisë amerikane”.
Sipas mediave të huaja, përcjell Telegrafi, reagimi vjen pasi ekzekutivi i BE-së njoftoi të martën se Fiona Scott Morton, një profesoreshë e ekonomisë në Universitetin Yale, do të shërbejë nga shtatori si krye-ekonomistja e re në njësinë antitrust të komisionit.
“Kur Evropa po hyn në rregullimin dixhital më ambicioz në botë, emërimi i fundit ka ngritur shqetësime legjitime”, ka shkruar ai në një postim në Twitter, duke i bërë thirrje Komisionit Evropian të rishqyrtojë zgjedhjen e tij.
Njësia ku do të angazhohet ajo është e ngarkuar të sigurojë që tregjet e BE-së të mbeten konkurruese – duke përfshirë sigurimin që titanët e teknologjisë amerikane të mos abuzojnë me dominimin e tyre në treg.
Scott Morton shërbeu si zëvendës ndihmës prokurore e përgjithshme për ekonominë në divizionin antitrust të Departamentit të Drejtësisë së SHBA-së në 2011 dhe 2012.
Ky rol, si dhe këshillimi i punës për firmat e teknologjisë si Apple dhe Microsoft, ka ngjallur kritika rreth emërimit të Scott Morton nga i gjithë spektri politik francez.
“Punësimi i një lobisti amerikan për GAFAM-in kur Evropa më në fund ka vendosur të kufizojë fuqinë e tyre… është në rastin më të mirë e ngathët, në rastin më të keq e rrezikshme”, ka vlerësuar eurodeputeti konservator francez Geoffroy Didier, duke përdorur një akronim për kompanitë e teknologjisë amerikane Google, Amazon, Facebook, Apple dhe Microsoft.
Embaucher une lobbyiste américaine des #GAFAM au moment où l’Europe se décidait enfin à limiter leur pouvoir grâce au #DSA, c’est un comble.
La nomination de #FionaScottMorton est maladroite et même dangereuse. La Commission européenne doit y renoncer. https://t.co/MsRe5sZw0v
— Geoffroy Didier (@GeoffroyDidier) July 13, 2023
Ai i bëri thirrje Komisionit të rimendojë emërimin e saj, i cili vjen pasi BE-ja duhet të zbatojë legjislacionin e ri për të rregulluar sektorin.
Ndërkohë ligjvënësi Yannick Jadot e quajti emërimin e Scott Morton një shkelje të etikës dhe një skandal.
Në anën tjetër, një zëdhënëse ka thënë se Komisioni kishte shqyrtuar plotësisht nëse ndonjë nga lidhjet e Scott Morton do të rrezikonte pavarësinë e saj.
Por një ligjvënës nga partia e Rilindjes së presidentit francez Emmanuel Macron, Benjamin Haddad, e quajti të pashpjegueshëm vendimin për të punësuar Scott Morton.
Aucun citoyen européen n’avait les compétences requises ? Une décision inexplicable. @vonderleyen https://t.co/8PZQDbY5rN
— Benjamin Haddad (@benjaminhaddad) July 12, 2023
“Asnjë shtetas evropian nuk kishte përvojën e nevojshme?”, shtroi pyetjen ai në Twitter. /Telegrafi/