Mbrojtja e Richard Henry Patterson ka kërkuar nga gjykata që i pandehuri t’ia tregojë gjykatësit penisin e tij, me qëllim që t’ia dëshmojë se e dashura e tij ishte ngulfatur aksidentalisht për vdekje gjatë seksit oral, shkruan The Sun.
Patterson akuzohet se e ka vrarë të dashurën e tij në dhomën e saj të gjumit në tetor të vitit 2015, ndërsa kërkesën e tij është duke e shqyrtuar një gjykatë në Florida, transmeton Telegrafi.
Sidoqoftë, ai pohon se 60 vjeçja Francisca Marquinez kishte vdekur aksidentalisht gjatë marrëdhënies seksuale.
Ken Padowitz, avokati i tij, ka treguar para gjykatës se madhësia e penisit të tij është faktori kryesor në rastin e mbrojtjes, dhe ka kërkuar nga gjykata që t’ia shikojë penisin të akuzuarit me qëllim që ta kuptojnë dëshminë e mjekut Ronald Wright – ekspert dhe ekzaminues mjekësor, i cili kishte thënë se vdekja e viktimës ka ndodhur si pasojë e ngufatjes gjatës seksit oral.
Vlen të ceket se autopsia kishte treguar se nuk ka pasur shenja të traumave apo lëndimeve në qafën e saj, ndërsa mbetet të shihet vendimi i gjykatës për këtë kërkesë të mbrojtjes. /Telegrafi/