Gruaja 32-vjeçare, nënë e 12 fëmijëve, e cila ka miliona ndjekës në rrjetet sociale, së fundmi ka zbuluar detaje të jetës së saj dhe ka hasur në reagime të ndara.
Përkatësisht, Britney Church solli në jetë fëmijën e saj të parë në moshën 16-vjeçare dhe të fundit në moshën 32-vjeçare.
Nga mosha 16 deri në 19 vjeç, ajo lindi katër fëmijë, që do të thotë se ajo kaloi pjesën më të madhe të viteve të saj më të mira të adoleshencës shtatzënë.
Në moshën 30-vjeçare ajo lindi trenjakë dhe të fundit, fëmijën e 12-të, ajo lindi në moshën 32-vjeçare.
@ourlargefamilylife Isp by @thismadmama #largefamily #ourlargefamilylife #momtok #teenmom ♬ SUMMER LOVE LETTERS – Luki
Shumë e pëlqyen videon në të cilën ajo tregonte se sa fëmijë lindi në adoleshencë, sa në të 20-at dhe sa në të 30-at dhe e lavdëruan atë që kujdeset për kaq shumë fëmijë.
“Epo ju keni një ekip të tërë basketbolli”, “Fëmijët janë një bekim”, ju admiroj, i kam tre dhe mezi ia arrij të gjitha”, shkruan njëri poshtë një videoje që ka afro gjysmë milioni shikime.
Mirëpo, si zakonisht nën video të tilla ku nënat e reja flasin për familjen e tyre të madhe, ka edhe nga ata që e kritikojnë dhe nuk e konsiderojnë normale.
“Sa prej këtyre shtatzënive ishin aksidentale? Është e pamundur që keni planifikuar gjithçka”, “Keni mbetur shtatzënë në jetën tuaj më shumë se sa nuk keni pasur”, “A keni dëgjuar ndonjëherë për kontracepsionin”, shkruan disa, por Britney injoroi ato komente dhe vazhdoi së argëtuari ndjekësit me foto nga përditshmëria juaj, e cila nuk është asgjë tjetër veçse e mërzitshme. /Telegrafi/