Një dozë dopamine është ajo që ne të gjithë kemi nevojë dëshpërimisht
Nata solemne është rasti që fytyrën tuaj ta shndërroni në kanavacë eksperimentesh.
Provoni që grimi të jetë më i hareshëm seç jeni mësuar në jetën e përditshme.
Nuancat e ngjyrave neoni dhe metalike, buzëkuqi i ndezur dhe shkëlqimi i njomë janë perfekt për sytë e gështenjtë, transmeton Telegrafi.
Hijesimi rozë
Rroftë trendi barbikor, i cili është i njohur gjatë gjithë vitit. Notat rozë në grim janë mënyra e shkëlqyeshme që të sillni pak flirt në veshje.
E duam këtë ide me efektin e shkëlqimit – thjesht aplikoni hijen rozë në formën e dëshiruar dhe pastaj linjën e kapakut të syrit plotësojeni me zirkon.
Shigjeta në ngjyrë elektrike
Linja e syve e ndritshme është një shfaqje e guximshme. Një vajzë e tillë flet në mënyrë të drejtpërdrejtë për guximin e vet, për humorin e lehtë, gatishmërinë e eksperimentimit. Ato që kanë sy të gështenjtë duhet të lozin me nuanca neoni siç janë ultramarina apo e portokallta. Shigjeta do të jetë e hollë apo e trashë, varësisht nga ajo sa efekt të fuqishëm dëshironi të prodhoni.
Aplikoni lapsin apo xhelin përgjatë vijës së qerpikëve me lëvizje lart deri në këndet e jashtme. Përfundoni me disa shtresa maskare për vëllim.
/Telegrafi/