Antoine Griezmann refuzoi të festojë golin ndaj Përfaqësueses së Uruguait në çerekfinalen e Kampionatit Botëror ‘Rusia 2018’.
Sulmuesi shënoi golin e dytë në takim pas një gabimit të portierit kundërshtarë, Fernando Muslera.
Por, 27-vjeçari nuk e festoi golin dhe kjo çuditi të gjithë. Pas ndeshjes ylli francez e shpjegoi gjithë këtë duke thënë:
“Nuk festova sepse kur fillova karrierën u përkraha nga një uruguaian (ish-trajneri i Real Sociedadit), i cili më mësoi gjërat e mira dhe të këqija të futbollit dhe kam respekt për Uruguain”.
“Gjithashtu luajta kundër shokëve, kështu që mendova se nuk është normale nëse do festoja”.
Griezmann luajti ndaj bashkëlojtarëve te Atletico Madridi, Jose Gimenez dhe Diego Godin, këtë të fundit e ka edhe kumbarë te vajza e tij Mia.
“Ata skuadër e fortë, si Atletico Madridi. Të gjithë angazhohen shumë në sulm dhe mbrojte. I dua uruguaianët dhe kulturën e tyre, kam shumë respekt për ata”, shtoi për fund Griezmann.
Në gjysmëfinale Franca do të luajë kundër Belgjikës. /Telegrafi/
