Sulmuesi francez i Atletico Madrid, Antoine Griezmann ka folur rreth kundërshtarit të radhës, Bayern Munich.
Atletico Madrid dhe Bayern do të ndeshen në ndeshjen e fundit të grupit në Ligën e Kampionëve.
Griezmann ka folur për lojtarët e Bayernit, si Robert Lewandowski, Thiago Alcantara e Manuel Neuer.
“Stadiumi i Bayernit është shumë i bukur. Kampionët gjerman kanë lojtarë të jashtëzakonshëm si Lewandowski që është një bishë para portës, apo Thomas Muller. Për gjermanin nuk flasin shumë por mua më pëlqen dhe kam respekt për të”, deklaroi Griezmann.
Ai foli edhe për Thiago Alcantaren e Manuel Neuerin.
“Thiago është mjeshtër i futbollit. Ai bënë çudira me topin dhe impresionohem duke e parë atë. Gjithashtu më pëlqen edhe Neuer, është tejet vështirë t’i shënosh”, tha Griezmann. /Telegrafi/