Antoine Griezmann nuk ka vonuar duke bërë replikë ndaj kritikave të bashkëkombësit të tij, Franck Ribery.
Mesfushori i Bayern Munich, Franck Ribery i surprizoi të gjithë me deklarata e tij ndaj sulmuesit të Atleticos, ku shprehej se atij i mungon vazhdimësia, ndaj nuk mund të konsiderohet një ‘Top Player’.
Megjithatë, nuk ka vonuar shumë dhe sulmuesi i talentuar i skuadrës së Simeones është përgjigjur me diplomaci ndaj kritikave të Riberys.
“Ribery ka të drejtë në këtë aspekt, për të qenë të sinqertë, por unë jam i sigurt se jam në rrugën e duhur për t’u përmirësuar. Pastaj është e qartë se çdokush ka opinionin e tij”, ka thënë Griezmann.
“Për babanë tim dhe për tifozët e Atletico Madridit jam më i miri në botë. E përsëris, kam ndërmend të vazhdoj të punoj fort. Të shohim në fund të karrierës se çfarë lojtari do jem bërë, kam ende 10 vjet përpara”, përfundoi francezi. /Telegrafi/