Aeroportet gjermane i anuluan mbi 600 fluturime, për shkak të grevës së stafit të sigurisë.
Greva përfshiu aeroportet në perëndim të vendit: Dyzeldorf, Këln dhe Shtutgart.
Në Dyzeldorf – aeroportin e tretë më të madh të Gjermanisë – rreth 60,000 pasagjerë janë prekur, pasi dy të tretat e fluturimeve janë anuluar, raportoi Televizioni ARD.
Sindikata e punëtorëve Verdi kërkon rritjen e pagesës në 20 euro për orë për stafin e sigurisë, nga 17 euro sa është tani, përcjell rel.
ARD tha se shumë udhëtarë kanë pasur kohë të sigurojnë bileta alternative të udhëtimit, pasi greva ka qenë e paralajmëruar.
Sipas burimit të njëjtë, stafi i sigurisë është shumë i zemëruar me kushtet e punës.