Liria ka shënuar fitore në kuadër të xhiros së 16 të Ipko Superligës së Kosovës në futboll.
Prizrenasit triumfuan si mysafirë në stadiumin “Agron Rama” kundër KEK-ut ne rezultat 3-0.
Pas takimit në një prononcim për Telegrafin, Granit Osmanollaj ka pohuar se kanë triumfuar me meritë ndaj ‘elektricistëve’.
“Besoj se fituam me meritë. Dita ditës po tregojmë se ishin rastësi humbjet e fillim kampionatit. Liria do të ketë ngritje edhe më tej në tabelë” tha fillimisht mesfushori.
Ai më tutje i përgëzoi bashkëlojtarët dhe stafin teknik, si dhe ftoj ‘Arapgjik’t’ ta përkrahin klubin.
“I përgëzoj shokët për paraqitjen. Edhe stafi teknik ka bërë punë të mrekullueshme. Ftoj tifozët të na përkrahin dhe besoj se nuk do t’i zhgënjejmë”, përfundoi ai.
Theksojmë se kjo ishte fitorja e parë e bardhezinjve nën drejtimin e trajnerit italian, Alberto Vincenzo Anesse, i cili u emërua dy javë më parë në këtë pozitë.
Ndryshe, Liria zë pozitën e 11 të renditjes tabelore të ligës elitare kosovare me 19 pikë. /Telegrafi/