Ceremonia e ndarjes së çmimeve “Grammy” që u mbajt t ë dielën (3 prill) ka shënuar rritje në shikueshmëri këtë vit.
Ndarja e çmimeve prestigjioze që nderon artistët më të suksesshëm në industri ka shënuar një rritje pre 1.4 % nga ceremonia pjesërisht virtuale e vitit të kaluar, e cila kishte rekordin më të ulët të natës më të madhe të muzikës, shkruan Variety.
Me nikoqir Travor Noah dhe e mbajtur në MGM Grand Arena në Las Vegas, ceremonia e 64-të vjetore e “Grammy” tërhoqi 8.9 milionë shikues gjithsej në platformë të shumta.
Shfaqja e cila filloi nga Noah duke iu referuar shuplakës famëkeqe të Will Smith ndaj Chris Rock në ‘Oscars’ fundjavën e kaluar, u transmetua drejtpërdrejtë në CBS dhe Paramount Plus.
Ceremonia e vitit të kaluar të “Grammy Awards” ishte kryesisht virtuale për shkak të pandemisë dhe arriti një shikueshmëri prej 8.8 milionë.
Në ceremoninë e sivjetshme fitues I madh ishte Jon Batiste, I cili u nominua për 11 cmime dhe mori gjithsej pesë trofe, përfshirë albumin e vitit për “We Are”. Silk Sonic- një grup me Bruno Mars dhe Anderson Paak rrëmbyen katër çmime, ndërsa Olivia Rodrigo dhe Foo Fighters morën secili nga tre “Grammy”.
Një javë përpara “Grammy”, “Oscars 2022“ tërhoqi 16.6 milionë shikues , 58% më shumë nga audienca e vitit të kaluar në Academy Awards prej 10.5 milionë, sipas të dhënave Live + Same Day Nielsen. /Telegrafi/