Telegrafi

Grabitësi po vidhte në një restorant me plot me njerëz në Houston, njëri prej të ftuarve e vrau në vend

Një vrasje e paprecedentë ndodhi në Houston, Texas – në një nga restorantet, një nga të ftuarit qëlloi dhe vrau një grabitës, i cili u kërkoi të pranishmëve kuletat e tyre nën kërcënimin e asaj që doli të ishte një armë false.

Gjegjësisht, kamerat e vëzhgimit kanë regjistruar momentin kur një burrë i armatosur me maskë në fytyrë ka hyrë në restorant, duke u kërkuar paratë mysafirëve.

Mirëpo, teksa ishte duke shkuar nga njëra tavolinë në tjetrën, njëri prej të ftuarve ka nxjerrë një armë dhe e ka qëlluar grabitësin.

Pas kësaj, të gjithë të ftuarit kanë ikur nga restoranti pa pritur policinë, raporton khou.

Me të arritur në vendngjarje, mjekët konstatuan se sulmuesi kishte vdekur, ndërsa policia arriti në përfundim se arma që kishte ai me vete ishte false.

Për momentin nuk ka ende të dhëna për njeriun që vrau sulmuesin dhe as për mysafirët e tjerë të restorantit. Policia po punon intensitet të lartë për zbulimin e identitetit të tyre. /Telegrafi/