Roma ka nisur kontaktet me agjentin e Mario Gotzes për një transferim të mundshëm të gjermanit në Olimpico.
Por pas bisedimeve të para, palët janë larg një marrëveshje eventuale, pasi problem mbetet paga e lojtarit.
Gjermani fiton momentalisht shtatë milionë euro në sezon te Dortmundi dhe nuk është i gatshëm të ulë pretendimet e tij.
Kjo ka bërë që Roma të ndërrojë objektivin për repartin ofensivë, duke kthyer sytë tek sulmuesi brazilian Tete.
20-vjeçari që luan me Shakhtar Donetsk pëlqehet shumë nga trajneri Paulo Fonseca i cili ka punuar një vit më parë me brazilianin në Ukrainë.
Corriere dello Sport ka raportuar se Roma është gati të shpenzojë 15 milionë euro për afrimin e brazilianit Tete.
Tete llogaritet si një talent i madh, derisa këtë edicion ka shënuar pesë gola dhe ka bërë katër asistime.
Braziliani i talentuar në Romë pritet të zbarkojë si zëvendësues i Cengiz Under, me turkun që është pranë largimit nga Olimpico. /Telegrafi/