Sipas një raporti të fundit, gjenerata e re e tabletit Nexus 7 do të debutojë para fundit të muajit korrik, dhe menjëherë pas lansimit zyrtar, përdoruesit në Tajvan do të jenë të parët që do të mund ta blejnë atë.
Ne kohët e fundit çmimi i modelit ekzistues të Nexus 7 është zbritur edhe më tej, gjë që nënkupton se Google është duke u përgatitur për të dal në treg me versionin e ri të Nexus 7.
Gjenerata e dytë e Nexus 7 thuhet se do të jetë pajisja e parë mobile e cila do të bazohet në Android 4.3 Jelly Bean, ndërsa tableti do të ketë ekranin me diagonale me 7 inç Full HD, me një rezolucion prej 1980 x 120 pikselëve.
Specifikat tjera të Nexus 7 përfshijnë edhe procesorin 1.5GHz Qualcomm Snapdragon 600 dhe 2GB RAM, ndërsa memoria e tabletit do të ofrohet në dy opsione, në 16GB ose 32GB.
Për më shumë, Nexus 7 do të shfaqet edhe me dy kamera, atë të përparme me 2 mega-piksel dhe një tjetër të pasme me 5 mega-piksel. / Telegrafi /