Milot Rashica është duke kaluar nëpër një formë të mirë te Norwichi dhe nga ndeshja në ndeshje po i shfaq cilësitë e tij.
Në fundjavën e kaluar, reprezentuesi i Kosovës ia doli të shënonte gol në përballjen me Liverpooli edhe pse skuadra e tij në fund u mposht 3-1.
Por, Rashica ka vendosur një rekord historik në kampionatin që nga shumëkush quhet edhe si më i miri në botë.
Anësori u bë reprezentuesi i parë nga Kosova që ia del të realizojë gol në Ligën Premier.
Përmes një videoje, Norwichi ka publikuar golin e lojtarit tonë, duke e përmendur edhe këtë statistikë.
Gola ndër vite në elitën e futbollit anglez e që janë shtetas të Kosovës, kanë realizuar edhe Shefki Kuqi, Adnan Januzaj, Xherdan Shaqiri, Granit Xhaka. /Telegrafi/
👏🇽🇰 The first-ever Kosovan international to score in the @premierleague…#NCFC | @milotrashica pic.twitter.com/lV7YptAvAu
— Norwich City FC (@NorwichCityFC) February 21, 2022