Ndeshje fantastike janë zhvilluar edhe natën e mbrëmshme në elitën e basketbollit amerikan NBA.
Lideri aktual i Konferencës së Perëndimit, Golden State Warriors kanë vazhduar me fitore, pasi kanë mposhtur Boston Celtics në TD Garden me katër pikë diferencë 107:111.
Stephen Curry ka qenë më meritori për fitoren e Warriors me 30 pikë, pesë kërcime e katër asistime, derisa Andrew Wiggins shtoi 27 pikë.
Tek skuadra vendase më efikasi ishte Jayson Tatum me 27 pikë, por që nuk mjaftuan për fitoren e Celtics.
Pas tri fitoreve radhazi, Los Angeles Lakers janë ndalur në udhëtim nga Minnesota Timberwolves.
Qendra e vendasve Karl Anthony Towns ishte më meritori për këtë fitore me 28 pikë, 10 kërcime e katër asistime, i ndihmuar edhe nga dyshja Beasley e Russell që shënuan nga 17 pikë.
Transferimi i ri i Lakers, fundori Isiah Thomas ishte më efikasi për skuadrën e Frank Vogel me 19 pikë. /Telegrafi/
