Golden State Warriors ka marrë edhe fitoren e dytë në finalen e Konferencës së Perëndimit në NBA.
Në ndeshjen e zhvilluar në Chase Center të San Franciscos, Warriors ka triumfuar me nëntë pikë diferencë ndaj Dallas Mavericks 126:117 për ta ngritur epërsinë në 2-0.
Në dy çerekët e parë ishin mysafirët që kishin lojën nën kontroll duke fituar (25:32 dhe 33:40) dhe shkuan në pushim mes pjesëve me epërsi të thellë prej 14 pikëve.
splashbrothers_hype.jpg pic.twitter.com/0oah61YF93
— Golden State Warriors (@warriors) May 21, 2022
Mirëpo në dy çerekët e fundit të ndeshjes, djelmoshat e Steven Kerr ishin fantastik duke i fituar ato me rezultat (25:13 dhe 43:32).
Stephen Curry ishte më i miri për vendasit në këtë takim me 32 pikë, tetë kërcime e pesë asistime.
Two down. Two to go. pic.twitter.com/9bTqt92MPY
— Golden State Warriors (@warriors) May 21, 2022
Me lojë të mirë u dallua edhe Jordan Poole që shtoi 23 pikë, derisa Looney e mbylli takimin me 21 pikë e 12 kërcime.
Tek skuadra mysafire më i dalluari ishte slloveni Luka Doncic që pati paraqitje fantastike me 42 pikë, ndërsa Brunson shtoi 31 të tjera, por që nuk mjaftuan për fitore.
Ndeshja e tretë finale do të zhvillohet në Teksas, ku Dallas do të tentoj të marrë fitoren e parë. /Telegrafi/
