Golden State Warriors ka shënuar fitore ndaj finalistit të vitit të kaluar, Cleveland Cavaliers me rezultat 92-99.
Ishte kjo një ndeshje e ngushtë nga fillimi i takimit, ky të dyja skuadrat kishin aplikuar mbrojtje të forta.
Golden State arriti që në çerekun e tretë të realizojë epërsinë më të thellë në nëntë pikë, falë një mbrojtje të fortë.
Më i miri në këtë takim ishte Kevin Durant me 25 pikë në këtë duel, pasuar nga Draymond Green me 12 pikë, 12 kërcime e 11 asistime dhe me 24 pikë nga Klay Thompson.
Te Cavs nuk pati mbrëmjen më të mirë LeBron James, i cili realizoi 20 pikë, kurse më i miri te Cavs ishte Kevin Love me 31 pikë e 18 kërcime.
Pas këtyre ndeshjeve Cavs mbeten në vendin e tretë me 24 fitore e 10 humbje, duke qenë tri fitore larg vendit të parë Bostonit.
Bostoni e pret Washingtonin në ndeshjen tjetër të mbrëmjes. /Telegrafi/
Pjesa e parë
https://www.youtube.com/watch?v=EnJqGXzXUVw