Mbrëmë janë zhvilluar gjashtë ndeshje në ligën më të fortë të basketbollit në botë.
Golden State Warriors ka triumfuar edhe në një ballafaqim në rrugëtimin për të siguruar një biletë për në fazën e “play-off” të NBA-së.
“Luftëtarët” kanë triumfuar si mysafirë në palestrën Toyota Center kundër Houston Rockets me dy diferencë 106:104.
Periudha e parë dhe e tretë ishin përcaktuese duket se për fituesin pasi që teksasianët deri në fund të ndeshjes arritën të zbusin epërsinë e kampionëve në fuqi.
Basketbollisti më efikas te Warriros ishte Klay Thompson me 30 pikë gjersa tre më pak i shtoi DeMarcus Cousins. Stephhen Curry shtoi 24 pikë e pati pesë asistime e katër kërcime.
Te vendasit më i miri ishte i zakonshmi James Harden, i cili regjistroi ‘double-double’ në saje të 29 pikëve dhe dhjetë asistimeve. Edhe veterani Chris Paul pati paraqitje të mirë, ku realizoi 24 pikë.
Pas kësaj, Golden State vazhdon të mbetet lider i Konferencës Perëndimore gjersa Houstoni zë pozitën e katërt. /Telegrafi/
Rezultatet tjera:
Oklahoma 108:96 Brooklyn
Washington 100:90 Orlando
Atlanta 132:111 Memphis
Miami 108:74 Detroit
Phoenix 97:114 Utah
