Kampioni në fuqi i NBA, Golden State Warriors ka marrë fitoren e tretë në gjysmëfinalen e Perëndimit.
Të udhëhequr nga Kevin Durant, Warriors kanë triumfuar në udhëtim tek New Orleans Pelicans me 26 pikë diferencë 118-92.
Kevin Durant ishte më i miri në këtë sfidë me 38 pikë, nëntë kërcime dhe pesë asistime.
Me paraqitje të mirë në këtë takim u dallua edhe fundori Steph Curry me 23 pikë e dy asistime.
Tek vendasit e Pelicans më i miri në këtë takim ishte Anthony Davis me 26 pikë e 12 kërcime.
Ndeshja e pestë do të zhvillohet në Oracle Arena ku Warriors do të kërkojë fitoren e katërt për të kaluar në finalen e konferencës.
Fitoren e tretë në gjysmëfinale e ka marrë edhe Houston Rockets në përballje me Utah Jazz.
Raketat kanë triumfuar si mysafirë me 13 pikë diferencë 100-87 duke shtuar epërsinë në 3-1.
Chris Paul me 27 pikë dhe James Harden me 24 të tjera ishin më efikasit tek mysafirët.
Ndërkohë ‘Rookie’, Donovan Mitchell ishte më efikasi tek Jazz me 25 pikë e nëntë kërcime.
Ndeshja e pestë tani zhvendoset në Teksas, ku Houston është vetëm një fitore larg finales së konferencës. /Telegrafi/
Konferenca e Perëndimit:
Utha Jazz – Houston Rockets 87-100 (1-3)
New Orleans Pelicans – Golden State Warriors 92-118 (1-3)
