Në orët e para të ditës së sotme janë zhvilluar gjashtë ndeshje në ligën më të fortë të basketbollit në botë.
Kampioni aktual i NBA-së, Golden State Warriors ka pësuar humbje të papritur prej skuadrës së Sacramento Kings, e cila është e pozicionuar në vendin e 12 në Konferencën Perëndimore.
“Mbretërit” triumfon në saje të pesë pikë diference 98-93 kundër “Luftëtarëve”, të cilën patë një paraqitje të jashtëzakonshme.
Vetëm në çerekun e parë vendasit ishin më të mirë se mysafirët, të cilët patën një paraqitje të mirë në tre periudhat pasardhëse në Oracle Arena.
Basketbollisti më efikas te Warriors Quinn Cook me 25 pikë ndërsa Nick Young shtoi 16 sosh. Theksojmë se shkaku i një lëndimi nuk është paraqitur Stephen Curry, Kevin Durant dhe Klay Thompson.
Te mysafirët lojtari më i mirë në parket ishte Buddy Hield me 22 pikë ndërsa u ndihmua nga Skal Labisierre që shtoi 15.
Pas kësaj, Warriors ka bilanc prej 52 fitoreve dhe 17 humbjeve ndërsa për Kingast ishte fitorja e 23-të gjersa ka edhe 47 humbje.
Ndryshe, Golden State takimin e radhës do ta zhvillojë me Phoenix Suns ndërsa Sacramento do të ballafaqohet me Utah Jazzin. /Telegrafi/
Rezultatet tjera:
Orlando 83-92 Boston
Philadelphia 120-116 Brooklyn
Toronto 122-115 Dallas
Oklahoma 122-113 L.A. Clippers
L.A. Lakers 91-92 Miami
