Mbrëmë janë zhvilluar gjashtë ndeshje në ligën më të fortë të basketbollit në botë.
Kampioni në fuqi i NBA-së, Golden State Warriors ka shënuar edhe një fitore ndërsa sërish ka zhgënjyer fansat Los Angeles Lakers.
“Luftëtarët” triumfuan kundër Minnesota Timberwolves me rezultat 117:107 gjersa Lakersat pësuan humbje kundër Milwaukee Bucks me rezultat 115:101.
Golden tashmë pothuajse është e sigurt se do të nis fazën e ‘play-off’ nga pozita e parë e renditjes tabelore të Konferencës Perëndimore gjersa ‘ujqërit’ janë në vendin e dhjetë.
Në anën tjetër, LeBron James me Los Angelesin matematikisht janë ende në lojë për fazën e fundit të kampionatit pas aktualisht renditen të 11-tit në Konferencën Perëndimore gjersa Bucksat gjenden në vendin e parë të Konferencës Lindore.
Warriors në takimin e radhës do të luajnë kundër Indiana Pacers kurse Lakersat ballafaqohen me Brooklyn Nets. /Telegrafi/
Rezultatet tjera:
Charlotte 114:118 Philadelphia
https://youtu.be/UHH9LST_ONE?t=20
Atlanta 105:121 Houston
https://youtu.be/5-Qsx0gMs38?t=23
Sacramento 121:123 Brooklyn
https://youtu.be/85wVC9j1k1Q?t=24
L.A. Clippers 115:109 Indiana
https://youtu.be/4CF-JhWQ1zc?t=23