Ai nuk ndalet së kënduari dhe së përkushtuari të veprave të veta në nderim të dëshmorëve të Ushtrisë Çlirimtare të Kosovës.
Bëhet fjalë për reperin Gold Ag, i cili ka publikuar këngën më të re për fansat dhe opinion shqiptar.
“Prej Tropoje”, titullohet kënga e re e artistit, ku kësaj radhe ka bashkëpunuar me këngëtarin Ismet Bexheti.
Autor i teksti dhe muzikës është vet Arian Agushi gjersa orkestrimin e ka bërë Alban Fortuna.
Teksti me doza të larta patriotike që vjen si dedikim për dëshmorin Tahir Sinani nga fshati Gri e Tropojës, në fakt është një homazh për të gjithë djemtë dhe burrat e këtij vendi që shkuan vullnetarë në luftën e Kosovës dhe ranë dëshmorë për lirinë e saj.
Bashkë me frymën patriotike, klipi sjell pjesë nga bukuritë natyrore të këtij qyteti. /Telegrafi/
