Gold Ag kohët e fundit ka qenë një ndër rep-artistët më të përfolur të estradës muzikore shqiptare.
Këngëtari ka sjell një këngë të re në bashkëpunim me Anxhela Peristerin, ku video ishte tejet e përfolur pasi që reperi ishte shfaqur në krah të këngëtares në bikini.
Por, ai njihet edhe si një artist tejet bamirës dhe shpesh herë e shohim në aktivitete të ndryshme humanitare.
Megjithatë së fundi Arian Agushi ka takuar një fans të tij, i cili lëviz me ndihmën e karrocës dhe duket tejet i emocionuar pasi iu shfaq para syve reperi.
“Rastet e tilla kur i di nuk dua asnjë sekondë t’i lë anash, më thanë që një djalë i sprovuar në Kaçanik nuk mund të flas dhe është i palëvizshëm, por ty të dëshiron jashtë mase dhe të përcjellë në çdo këngë! Kënaqësi e madhe është dhe dhuratë nga Zoti kur dikush të do pa të parë kurrë, edhe pse nuk mund ta shprehë me zë ai e thotë me buzëqeshje dhe lëvizje. Zot lehtësoja sprovën familjes dhe Nderimit jepi forcë për ta mundur këtë sëmundje”, ka shkruar ai në llogarinë personale në Instagram.
Ndryshe, Goldi është duke punuar në projekte të reja muzikore dhe do të mbajë disa koncerte muzikore. /Telegrafi/