Pandemia e coronavirusit apo COVID- 19 tash e një kohë ka izoluar mbarë botën, e së fundmi edhe shqiptarët.
Në këtë situatë të vështirë për vendin, videot dhe mesazhet e ndryshme inkurajuese nuk mungojnë as nga personazhet e famshme publike.
Një të tillë së fundmi e ka bërë edhe reperi i njohur Gold AG, i cili u ka bërë thirrje njerëzve të qëndrojnë në shtëpi.
“Vëllëzër e motra bëni kujdes këto ditë, rri në shtëpi. Mendo që je në arrest shtëpiak që të shpëtosh njerëzimin dhe veten. Nëse thua s’po rrihet çoj mend te të burgosurit tanë që mbahen pa faj nëpër burgjet sllave. Kjo kalon e ta gëzojmë të ardhmen bashk, se pas çdo vështirëse vjen lehtësimi”, ka shkruar krahas fotos reperi nga Presheva.
Ndërkaq, edhe një rast pozitiv u konfirmua mbrëmë, duke çuar në 31 numrin e të infektuarve me coronavirus në Kosovë.
Ditë më parë, Arian Agushi (emri i vërtetë i reperit) njoftoi se këtë kohë është duke e shfrytëzuar për të shkruar librin e ri, të cilin beson se do e përfundojë këtë vit. /Telegrafi/