Reperi i njohur nga Presheva, Gold AG, ka nisur pushimet së bashku me bashkëshorten e tij, bukuroshen nga Gjilani, Ermira Shkodra.
Çifti, të cilët u martuan në qershor, si destinacion të pushimeve këtë herë kanë zgjedhur Turqinë.
Të njëjtit përmes rrjeteve sociale njoftuan ndjekësit se po kalojnë një kohë të mirë në shoqërinë e njëri-tjetrit.
Është vet artisti shqiptar, ai i cili përmes një fotografie të ndarë në Instagram ka treguar se është në pushime.
Në fotografinë e publikuar me 647 mijë ndjekësit, Arian Agushi (emri i vërtetë) shfaqet i zhveshur në pjesën e sipërme duke vënë në fokus fizikun e tij.
Ndërkaq, reperi të shumtën e kohës e kalon në palestër pasi shpesh ndan pamje duke bërë ushtrime.
Gold AG dhe Ermira përndryshe u martuan në muajin qershor të këtij viti dhe deri më tani nuk kanë organizuar ndonjë ceremoni. /Telegrafi/