Reperi Gold AG është bërë i njohur tashmë për patriotizmin e tij.
Sot (e enjte) ai ka qenë i pranishëm në tubimin e organizuar për nder të lirimit të liderit të AAK-së Ramush Haradinaj, i cili po mbahej padrejtësisht në burg prej disa muajsh, në Francë.
Gjatë kohës sa Haradinaj ishte në burgim, reperi nga Presheva u nderua me mirënjohjen e heroit të kombit “Shkëlzen Haradinaj” në Gllogjan, nga i pari i Deçanit dhe Hilmi Haradinaj, ndërsa më pas ua kushtoi edhe një këngë me titullin “Në Dukagjin”.
Lirimi i Ramush Haradinajt, duket ta ketë emocionuar vërtet reperin, i cili u pa i pranishëm në festë, teksa fotografohej pranë fansave.
Ai kishte veshur një bluzë, në të cilin shkruhej: “Ramush Haradinaj është Kosova”. /Telegrafi/
