Reperi i njohur nga Presheva, Arian Agushi – Gold AG, është mjaft aktiv dhe i ndjekur në rrjetet sociale.
Artisti falë muzikës dhe projekteve të veçanta që sjell ka arritur të grumbullojë fansa gjithandej trojeve shqiptare.
Ai ndan me fansat fotografi e video të ndryshme, ndërsa së fundmi ka publikuar një imazh para fillimit të klasës së parë.
Në foton e shpërndarë me 647 mijë ndjekësit, krijuesi i hitit “Prishtina” duket po i njëjti sikurse tani.
Megjithatë, reagimet e ndjekësve ishin nga më të ndryshmet dhe fotografia mori mbi 11 mijë pëlqime.
“Fotografia për librezën e klasës së parë 1993”, ka shkruar ai.
Ndërkaq, 34 vjeçari këto ditë ka qenë në pushime në Turqi bashkë me gruan e tij, doktoreshën e estetikës, Ermira Shkodrën.
Të njëjtit kurorëzuan dashurinë e tyre me martesë në muajin qershor. /Telegrafi/