Gold Ag ka kohë që ka pranuar se është në lidhje dashurie.
Reperi ka vendosur që vajza e tij e zemrës, të mos bëhet pjesë e medias duke e mbajtur sekret emrin e saj, transmeton Telegrafi.
Kjo ka bërë që mediat të aludojnë për një femër që është parë disa herë krah artistit, duke publikuar edhe fotografitë e tyre.
I kontaktuar nga Telegrafi, Ariani mohoi që vajza në foto është e dashura, duke thënë se ajo është një nga fanset e tij.
Ndryshe në rrjetet sociale janë publikuar disa fotografi të vajzës, identiteti i së cilës nuk është bërë i ditur, ku shihet së bashku me reperin.
Sa i përket planit muzikor Gold Ag vazhdon të jetë artisti më aktiv në skenën muzikore shqiptare. Nuk ka shumë kohë nga projekti i tij i fundit por ai ka paralajmëruar se shumë shpejt do të vijë me një këngë të re./Telegrafi/.
