Site icon Telegrafi

Goditja e fortë e Baumgardner e shtangu Harperin, gjyqtari vlerësohet lartë për ndalimin e meçit

Shkumbin Pireva

Një gjyqtar boksi po vlerësohet për realizimin e një prej ndalimeve më të mira ndonjëherë të një meçi të shtunën në mbrëmje.

Terri Harper po mbronte titullin e saj në peshën super të lehtë në WBC kundër Alycia Baumgardner në Sheffield.

Por, boksierja nga Yorkshire humbi titullin e saj botëror për shkak të një ndalese në raundin e katërt pas një goditje brutale me të djathtën nga Baumgardner.

Goditja ishte aq e egër saqë nuk bëri që Harper të binte në tokë, por në vend të kësaj ajo u ngri plotësisht duke çuar në disa skena të frikshme.

 

Duke qëndruar ende në këmbë, edhe pse nuk ishte e qartë se ajo ishte e gjitha aty, Harper e kishte kthyer shpinën nga Baumgardner, e cili iu afrua dhe e shikoi për t’ia dhënë një goditje tjetër dërrmuese.

Por para se ajo të mundte, gjyqtari Mark Lyson nxitoi për t’u futur mes të dy luftëtareve dhe për të parandaluar që Harper të vuante dënimin e mëtejshëm.

Ai i dha fund meçit, me ndërprerjen që çoi Baumgardner në shpalljen e saj kampione e botës.

Por ishte një pjesë e shkëlqyer e gjykimit nga Lyson, i cili shpëtoi Harper dhe bëri që komuniteti i boksit të lavdëronte veprimet e tij. /Telegrafi/

 

 

 

 

 

Exit mobile version