Aida Doçi e ka publikuar këngën e saj më të re me titull “Goditëm”.
Këngëtarja e kishte paralajmëruar baladën e saj të re javë më parë dhe tash e ka sjellë për fansat e saj.
Videoja e publikuar në YouTube është në kuadër të xhirimeve për festat e fundvitit, ndërsa dashamirët e muzikës saj kanë mundësinë ta dëgjojnë një tjetër baladë të interpretuar mirë.
Bimi e ka bërë muzikën e kësaj kënge me tekst të shkruar nga Ghulo.
Nexhat Mujovi – Virusi është kujdesur për orkestrimin e baladës “Goditëm”.
Këngëtarja u bë e popullarizuar pikërisht për baladat e saja, të cilat pëlqehen shumë nga fansat e Aidës.
“A është e mundur” mban titullin kënga e saj më e fundit që është realizuar me videoklip.
Videoja muzikore që është publikuar para një muaji në YouTube dhe është shikuar 1.7 milion herë. /Telegrafi/