Richard Cheshire nga Birmingham i Anglisë, i është ndaluar të mbajë ndonjëherë kafshë, sepse ishte filmuar teksa e shqelmonte qenin e tij, derisa ishte në gjendje të dehur.
Në videon që mund ta shikoni më poshtë, shfaqet 34-vjeçari gjysmë i zhveshur, që bërtet dhe mbahet për njërën anë të ashensorit, pasi ta ketë qëlluar Pablon, transmeton Telegrafi.
Mirëpo, dëshmitarët thonë se edhe për gjysmë ore, ai ka qëndruar në korridor duke e goditur dhe torturuar qenin.
“I dua kafshët shumë, por kam qenë i dehur dhe nuk mbajë mend asgjë”, ka thënë Cheshire lidhur me rastin.
Mirëpo, gjykata nuk është pajtuar me të dhe e ka dënuar me 12 orë pune pa pagesë, si dhe një gjobë prej afro 500 eurosh.
Megjithëse i është ndaluar përjetë të mbajë kafshë, nëse sjellët mirë dhe ka përmirësime, pas dy vitesh mund të rishqyrtohet çështja. /Telegrafi/
