Juventusi është mysafir i Lyonit për të zhvilluar ndeshjen e xhiros së tretë të fazës grupore të Ligës së Kampionëve.
Në duelin që zhvillohet në Stade de Gerland dhe që është i vlefshëm për Grupin H, do ta ndajë drejtësinë Szymon Marciniak, njofton Telegrafi.
Gjyqtari polak u bë i urryer në Itali prej se ndau drejtësinë në ndeshjen kthyese të ‘play-offit’ ndërmjet Romës dhe Portos në Stadio Olimpico.
Ai u bë kryetemë në mediat italiane, pasi në atë sfidë ndau dy kartonë të kuq. Fillimisht, e përjashtoi Daniele De Rossin (39’) dhe pastaj Emerson Palmierin (50’).
Giallorossët e humbën atë ndeshje me rezultat 0-3 dhe nuk arritën që të kualifikoheshin në fazën grupore të garës më të madhe evropiane për klube.
Ndryshe, Juventusi është i pari në Grupin H, me katër pikë të arkëtuara pas dy xhirove të para, aq sa ka edhe Sevilla një vend më poshtë.
Ndërsa Lyoni numëron tri pikë, nga një fitore dhe një humbje. /Telegrafi/