Është hedhur shorti për gjyqtarët që do të gjykojnë ndeshjet e xhiros së 23-të në Albi Mall Superligë.
Super duele do të ketë këtë xhiro në elitën e futbollit kosovar, derisa ato më kryesoret zhvillohen të shtunën Llapi – Drita dhe Ballkani – Prishtina.
Në ndeshjen hapëse mes Ferizajt dhe Suharekës, drejtësinë do ta ndajë Lirim Jashari.
E në duelin mes Llapit dhe Dritës, gjyqtar kryesor do të jetë Mentor Ajeti me ndihmësit Bekim Rama dhe Drilon Rexhepi.
Dardan Çaka është gjyqtar kryesor në sfidën Ballkani – Prishtina.
Sfida që do të zhvillohet në Klinë mes Dukagjinit dhe Malishevës gjykohet nga Burim Jahmurataj, ndërsa në duelin mes Gjilanit dhe Feronikelit ’74 gjyqtar kryesor është Ersen Janovali. /Telegrafi/
