Seminari po udhëhiqet nga instruktori më i njohur në Evropë, Alan Richardson, i cili asistohet nga instruktorët tjerë si: Valentin Lazarov, Davorin Nakiq (ish-gjyqtar nga Kroacia, i cili ka ndarë drejtësinë në ndeshjet e basketbollit kosovar), Giorgi Piperkov (udhëheqës i seminareve të organizuara te ne), Mansour Al Ahmari, Stelios Koukoulekidis, Leonid Chudin, transmeton Express.
“Seminari ka një intensitet të lart të punës e ku përfshihet ana teorike dhe praktike e gjykimit në ndeshje të basketbollit. Gjyqtarët tanë, qysh në ditën e parë të seminarit pos anës teorike, patën edhe delegime në ndeshjet zyrtare të U-18 me kontroll nga instruktorët e lartpërmendur, ndërsa vlerësimi ishte shumë pozitiv pasi që të gjithë patën prezantim të mirë në aplikimin e rregullave dhe menaxhimit të ndeshjes”, thuhet në njoftimin e Federatës së Basketbollit të Kosovës.
Nga sezoni i ri (2013-2014), pjesë e Ligës Ballkanike do të jetë edhe Kosova, e cila në këtë garë do të përfaqësohet nga Sigal Prishtina. /Telegrafi/