Lënda e Prokurorisë Speciale e njohur si “Talir”, përmes sistemit AKMIS është caktuar që të udhëhiqet nga gjykatësi Osman Shabani, informojnë nga Gjykata Themelore Shkupi 1.
Lënda “Talir” ka të bëjë me financimin joligjor të partisë opozitare maqedonase OBRM-PDUKM, ndërsa të akuzuar janë Nikolla Gruevski, Kirill Bozhinovski, Mile Janakieski, Ilija Dimovski, Leko Ristoski dhe Elizabeta Çingarovska, përcjell Telegrafi Maqedoni.
Prokuroria Speciale më 22 nëntor të vitit të kaluar dorëzoi aktakuza si rezultat i hetimeve të realizuara për këtë lëndë.
Ndryshe, gjykatësi Osman Shabani gjithashtu udhëheq lëndët “Titanik”, “Toplik” dhe procedurën e përsëritur për rastin “Monstra”.