Pas disa orësh të marrjes në pyetje, Gjykata Penale ka vendosur që për pesë të dyshuarit në rastin e profesorëve në fakultetin ekonomik të UKM-së, t’u merren pasaportat si edhe janë të obliguar që të paraqiten para gjykatësit, transmeton Telegrafi Maqedoni.
Siç informon agjencia e lajmeve META nga burime të Gjykatës Themelore Shkupi 1, bëhet fjalë për tre profesorë universitar, një demonstrator dhe për pronarin e byfesë të fakultetit ekonomik.
Nga pesonat që u janë marrë pasaportat, është edhe dekani Bobek Shuklev, ndërsa tre të tjerët e grupit, do të merren përsëri në pyetje.
Ndryshe, siç bëri të ditur ministri Çavkov, ky grup profesorësh ka kërkuar 500 deri 1000 euro për një notë kaluese. Përveç ryshfetit, këta profesorë, dyshohet se kanë kërkuar edhe shërbime seksuale, për të kaluar një provim./Telegrafi/