Gjykata Kushtetuese ka kaluar në diskutimin përfundimtar për shqyrtimin e kërkesës së Kuvendit të Shqipërisë për shkarkimin e presidentit Ilir Meta.
Seanca e nisur prej orës 10:00 tashmë është ndërprerë dhe pritet të rifillojë në orën 12:00, teksa Kushtetuesja po bën shqyrtimin e çështjes.
Tashmë përfaqësuesit e Kuvendit dhe Presidentit kanë dorëzuar zyrtarisht përgjigjet e pyetjeve të Gjykatës Kushtetuese.
Kuvendi ka paraqitur gjithashtu një dokument me prova që u është shpërndarë anëtarëve të trupit gjykues dhe një kopje i është dërguar Presidentit.
Këshilltari i presidentit Bledar Dervishaj, ka shprehur shqetësimin në lidhje me provat e Kuvendit, të cilat sipas tij, u sollën me urgjencë.
Më 9 qershor, me 104 vota pro, Kuvendi i Legjislaturës së kaluar vendosi shkarkimin e presidentit, ndërsa tani duhet një vendim kushtetues që Meta të shkarkohet. /Telegrafi/