Gjykata Kushtetuese e Francës ka mbështetur një ligj të ri që kërkon që qytetarët të kenë një leje shëndetësore për të hyrë në bare dhe restorante, dhe punonjësit e shëndetësisë të vaksinohen kundër COVID-19 deri në mes të shtatorit, duke besuar se është në përputhje me aktin më të lartë shtetëror.
Gjykata Kushtetuese, megjithatë, anuloi disa dispozita në ligj. Është antikushtetuese të zbatohet karantina e detyrueshme dhjetë ditore dhe të kontrollohen të gjithë personat që janë pozitivë për testin, raporton france24.
Është vlerësuar gjithashtu se, megjithëse punëdhënësit mund të pezullojnë punonjësit e shëndetit dhe punonjësit e linjës së parë që refuzojnë të marrin vaksinën kundër coronavirusit ose tregojnë prova të një testi negativ – ata nuk mund t’i pushojnë nga puna.
Ligji do të hyjë në fuqi më 9 gusht. Presidenti francez, Emmanuel Macron e prezantoi atë në korrik sepse varianti delta i virusit a shkaktoi valën e katërt të infeksioneve.
Ndryshe, me rastin e vendimit të tij, francezët organizuan protesta masive. /Telegrafi/