Një gjykatë turke ka mbështetur dënimin e përjetshëm për gazetarët Ahmet Altan, Mehmet Altan, Nazli Ilicak dhe tre të tjerë, me akuzën për ndihmën e komplotit të një grushti ushtarak të dështuar në 2016.
Sipas aljazeera.com, përcjell Telegrafi, gazetarët, të cilët fillimisht u dënuan në shkurt, u dënuan me burgim të përjetshëm për lidhje të dyshuara me rrjetin e udhëheqësit fetar dhe biznesmenit Fethullah Gulen, të akuzuar nga Ankaraja për orkestrimin e përpjekjes së grushtit të shtetit.
Ata kishin apeluar në gjykatën e lartë për lirimin e tyre, por Gjykata e Apelit e Stambollit mbështeti dënimin e tyre të martën.
Siç thuhet më tej, Mehmet Altan u lirua më pas nga burgu në qershor, por dënimi i tij u konfirmua gjithashtu të martën, pasi një gjykatë penale refuzoi kërkesën e gjykatës kushtetuese për lirimin e tij.
Të gjashtë janë duke shërbyer dënimet e rënda, që do të thotë se nuk kanë të drejtë për lirim me kusht dhe nuk mund të përfshihen në vendimet e ardhshme të amnistisë.
Qeveria turke po kryen spastrime dhe arrestime të cilat kanë prekur qindra mijëra njerëz në vend pas përpjekjes së grushtitshtetit të vitit 2016 që vrau më shumë se 300 vetë dhe qindra të tjerë të plagosur. /Telegrafi/