Tre nga të arrestuarit morën nga 10 ditë burg, përkatësisht Petrit Coli 39 vjeç, banues në fshatin Grude e Re, komuna Rrethina Shkodër, i dënuar më parë, për veprën penale ” Vrasje me dashje në bashkëpunim”, Pëllumb Mollzati 38 vjeç dhe Mirash Rrethatori, 33 vjeç, banues në fshatin Gimaj, komuna Shalë, Shkodër, i dënuar më parë për veprën penale ” Armëbajtje pa leje”. Ndërsa për shtetasit Prek Kodra, 35 vjeç, Kol Gjergji, 29 vjeç gjykata dha vendimin me detyrim paraqitjeje, raportoi Panorama.
Arrestimi i këtyre shtetasve erdhi pasi ditën e zgjedhjeve të pjesshme, në momentin kur materialet zgjedhore kanë mbërritur me helikopter, në vendin e quajtur Breg Lumi, të Komunës Shalë, grupe të ndryshme personash, (ku mes tyre jane identifikuar dhe 5 shtetasit e arrestuar), janë vërsulur në drejtim të Komisionerëve, duke bërë kështu bllokimin e komisionerëve dhe të rrugë-kalimeve për tek qendra e votimit, pasi nuk ishin dakord me komisionerët e caktuar për zgjedhjet vendore në komunën Shalë, Shkodër./Telegrafi/