Një gjykatë në Pakistan ka lëshuar një gomar të arrestuar për ‘përfshirje’ në një rast të paligjshëm të lojërave të fatit, dhe në të njëjtin rast, policia arrestoi tetë burra, duke zbuluar se ata organizuan një garë të paligjshme gomarësh në jug të vendit, duke vënë bast se një kafshë mund të vraponte 600 metra në 40 sekonda.
BBC shkruan se në këtë rast kishte komplikime ligjore në lidhje me lirimin e gomarit, ndërsa tetë të dyshuarit u liruan me kusht ditën tjetër, transmeton Telegrafi.
Historia ka ngjallur interesin e mediave vendase në ditët e fundit pas informacionit sipas të cilit gomari u arrestua dhe u lëshua vetëm katër ditë më vonë. Policia njoftoi se kafsha ishte “arrestuar thjesht për disa ditë”.
Gomarët përdoren në pjesët rurale të Pakistanit si kafshë që mbajnë një shumëllojshmëri të ngarkesave, dhe bastet me këtë kafshë nuk janë të pazakonta atje.
Një rast i fundit ka ndodhur në periferinë rurale të Rahimyar Khan, ku policia ka penguar që të zhvillohet një garë.
Përveç gomarit, policia sekuestroi edhe një karrocë tërheqëse, kronometër dhe disa para bastesh. /Telegrafi/