Gjykata e Lartë refuzoi të hënën të bllokojë një rregullore të qytetit të New Yorkut, e cila kërkon që punonjësit e kujdesit shëndetësor të marrin vaksinën COVID-19 pa asnjë përjashtim religjioz.
Vaksinimi i obligueshëm për punonjësit e kujdesit shëndetësor, i cili hyri në fuqi në muajin gusht, lejon vetëm përjashtimet mjekësore, por jo ato fetare.
Gjykata e Lartë hodhi poshtë dy kërkesa nga mjekët dhe infermierët në shtet për të lejuar përjashtimet fetare, ndërkohë që proceset gjyqësore vazhdojnë në gjykatat më të ulëta mbi kushtetutshmërinë e mandatit, raporton foxnews.
Gjithashtu edhe një gjykatë e apelit në SHBA ka hedhur poshtë një kërkesë të gjashtë punonjësve për të bllokuar rregulloren e United Airlines (UAL.O), e cila parashihte vaksinimin e obligueshëm kundër coronavirusit.
Ndryshe, SHBA-ja prin me numrin e të infektuarve me coronavirus dhe të vdekjeve në botë. /Telegrafi/