Prokuroria publike me gjasë nuk do ta rikualifikoj veprën për të cilën në fazën e hetimit të dyshuar për “cenim terrorist të rendit kushtetues” ishin pjesëmarrësit në ngjarjet e Kuvendit më 27 prill. Ky konstatim vjen nga përgjigja në pyetjen e Alsat M drejtuar prokurorisë – vallë pas përfundimit të hetimit, në përputhje me dëshmitë, është e mundur të pritet ndryshim i veprës për të cilën ngarkohen të gjithë, ose disa nga pjesëmarrësit.
Megjithatë, aktakuza ende nuk është mbyllur meqë rrjedh afati në të cilin mbrojtja ka të drejtën e shqyrtimit të shënimeve dhe dëshmive, por edhe të drejtën që edhe vetë të propozojnë dëshmi në favor të tyre. Ndërkohë edhe prokuroria mund të ketë elemente të reja.
Afati në të cilin mbrojtja e të dyshuarve ka të drejtën e shqyrtimit të lëndës, përputhet me pritjen e vendimit të Gjykatës së Lartë për atë nëse do t’i anulojë paraburgimet dhe arrestet shtëpiake të një pjese të të dyshuarve, siç kërkon mbrojtja. Ndonëse seanca publike lidhur me këtë çështje u mbajtë para tre ditësh, prej atje ende nuk ka vendim.
Një pjesë e avokatëve të të dyshuarve shprehen se kanë pritur që Gjykata e Lartë të marr vendim më së voni dje. Të tjerët kanë mirëkuptim për atë që këshilli kompetent penal ende nuk ka marrë vendim meqë bëhet fjalë për një numër më të madh të ankesave, për të cilat nevojitet më shumë kohë për t’u shqyrtuar seriozisht.