Gjykata e Apelit ka pranuar ankesën e PSP-së që të refuzohen garancionet e biznesmenit Sead Koçan në vlerë prej 900 mijë euro. Në këtë mënyrë Gjykata e Apelit e kthen lëndën përsëri në Gjykatën Penale, përcjell Telegrafi Maqedoni.
Vendimi i këtillë do të publikohet i plotë në web-faqen e gjykatës në afat të paraparë me ligj, thonë nga Gjykata e Apelit.
Sead Koçan është i dyshuar në lëndën e PSP-së “Trust”, ku dyshohet për falsifikim të dokumentacioneve për tender, me çka ka fituar shumë prej 17 milionë euro nga kompania shtetërore ELEM. Ai ishte dy muaj në arrati, përderisa gjykata vendosi që ai të paraburgoset./Telegrafi/