Drejtori i Zyrës për Kosovën në Qeverinë e Serbisë, Marko Gjuriq, i është kundërpërgjigjur presidentit të Kosovës, Hashim Thaçi, i cili për mediat serbe ka thënë se Kosova së shpejti do të padis Serbinë për gjenocid.
Gjuriq ka thënë se në Kosovë ka kryer gjenocid UÇK-ja dhe komandantët e tyre të mëparshëm dhe të tanishëm.
“Këtë nuk mund ta dëshmojnë serbët e vrarë, por janë një çerek milion serbë që u desh të largohen nga Kosova, pasi rrezikonin të shfaroseshin”, ka thënë ai.
Sipas tij, këmbëngulja e Thaçit që në Kosovë është bërë gjenocid nga Serbia para instancave ndërkombëtare, është vetëm një konfirmim më shumë se Prishtinë është duke u përpjekur për të depërtuar tek trupat e OKB-së për të vazhduar luftën kundër Serbisë me mjete të tjera, transmeton Kosova Sot.
“Unë pres që të ketë gjykata të veçanta për krimet e UÇK-së, edhe në qoftë se ata duan të jenë me përfitime të vërtetë të qytetarëve të Kosovës, vetëm të vënë në dukje strukturat kriminale dhe penale të cilat tani janë kërcënimi kryesor për paqen dhe sigurinë e popullit serb në krahinën jugore”, ka shtuar Gjuriq.